.. حط ملح فوك الجرح

.. حط ملح فوك الجرح

الى الرفيق فالح حسن شمخي

زيدون علي ال بدر ـ العراق

حط ملح فوك الجرح ********وخل الألم يزداد

واصبر على حركته********ومن شعري هاك شداد

لفلف جروحك يخي********وحجي الصدك ينراد

بس لاتظن يوم، الجَرح********أيدك يصير ضماد

لا ولاتامن بكلمن غدر********غدر النذل زواد

والردي الخان الوطن********ناقص .. ترس ....

ماعنده ذرة شرف********من واله ملة الحاد

وبهل الخيانة طبع********والطبع بيهم ساد

ملسة يا حية التبن********وتحير الصياد

مليانه حيلة ومكر********وكل ظنها ماتنصاد

والغدر بارض الوطن********وبيه النصح مافاد

شتترجه منه بعد********لو رجع هسه وعاد

يرهم لبيتك عمد********ولمضيف اهلنا وتاد

لو يرهم بجيبك يخي********جيسة تتن وزناد

ماظني بيهم نفع********شطال الزمان وجاد

بيهم نجاسة أصل********ورس الاصل ينعاد

لو بعد مية ظهر********لرسه النجس رداد

***

أدريك طبعك سمح********لحك الوطن سداد

وادريك طيب اصل********وبالكرم فاض وزاد

وادري بمقالك يخي********من الذهب حبره مداد

بس اخذ مني الحجي********ولاتظن حجيي عناد

ماعدنه غير الذبح********لكلمن غدر بغداد

aalkalh@hotmail.com

للعودة الى الصفحة السابقة