... ويبقـى العــراق
... ويبقـى العــراق
للشاعر الشعبي:
گبل جان اليموت واحد بحــــــــــــــــي
**************وهسة بگل طرف عشرة اليموتــــــون
گبل جان الي يرحل ما ينسي بســــاع
**************وهسة الصبح ندفن والظهر ينســــون
گبل جان الامين يصير سيد النــــــاس
**************بس هسة الحرامي يصير مأمــــــوون
وگبل جان الي يسرق الحاقد ومنبــوذ
**************وهسة الحاكم وقائم همة اليسرقــــون
گبل جنا نعيش أبناء وأخــــــــــــــوان
**************وهسة الموصنف يتهجر وملعـــــــون
وگبل جان العراق يفيض خيــــــــرات
**************وهسة الخير عندة واطفالة يبجـــــون
وگبل جان العراق يلمهة للنــــــــــاس
**************وهسة اصبحت ناسة همة يمشــــــون
وگبل جان العاق يجيب حگ الغيــــــر
**************وهسة احنا اهل حگ وحنا مغبـــــون
وگبل جان العراقي يموت لاجل الگاع
**************وهسة الي يدافع كافر ومجنــــــــوون
وگبل اعيادنة من اجمل الاعيــــــــــاد
**************وهسة بالدم والقتل اهلة يعيــــــــدون
بس............ ....
بس يبقى العراق الرافع الــــــــــراس
**************وابد ماناسة من الهم يدنگـــــــــــون
ويبقى النا العراق الدين والاســــــلام
**************واهلة لغيرربهم ماظن يركعـــــــــون
posted by Iraq4ever at 5:34 AM
0 Comments:
Post a Comment
<< Home