Tuesday, November 07, 2006

إلمن اتلوگ الرئاسة.. المن اتلوگ الرئاسة ؟

إلمن اتلوگ الرئاسة.. المن اتلوگ الرئاسة ؟
للگضه بلندن حياته.. وما وگع من إيده كاسه ؟
للطلب حق اللجوء.. وما دره بهموم ناسه ؟

للي ما نام بسواتر.. والقَصف ما وجع راسه ؟
للي ما ضاگ الحصار.. وضيم عشر سنين جاسه ؟
للي ولده بجنّة أوربا گضوها.. واحنه علفانوس كملنا الدراسه ؟
للي باگ وصار بالقدرة معارض.. وبالحرام انبنه ساسه ؟
چم نذل عدنه انولد ما نعرف اسمه.. وصار يحچي بالسياسه ؟
---------------------

اتلوگ للماساوم بهذا العراق وشال من ترابه باسه..
اتلوگ للضحى لمبادئ وعاف جاهه وماله داسه..
اتلوگ للطيب كلامه مؤمن وصادق احساسه..
اتلوگ للصاحي ضميره ويفتخر لو رفع راسه..
اتلوگ للشايل وكاحة عناد وفنون بفراسه..
اتلوگ للحب العراق وبالمحن طاير انعاسه..
اتلوگ للشالو الرايه ودافعو عنها بشراسه..
اتلوگ للحذر بلاده من كُفر ذوله النگاسه..
اتلوگ للصان الجوامع والكنائس وزاده هيبه وکل قداسه..
اتلوگ للقاد العروبه وگلبه خالي من النحاسه..
اتلوگ للگلبه حنين والكفر فدوه لمداسه..
اتلوگ للعينه حزينه عالعراق اشلون كل جامع تواسه..
اعرفت ياكاظم يخوي المن اتلوگ الرئاسه؟

للعودة الى الصفحة السابقة

eXTReMe Tracker